[0:01] Txij li lub Yim Hli tim 1, 2025, txhua tus neeg nyob, ua haujlwm lossis tuaj rau hauv Minneapolis mua txoj cai tshiabj tiv thaiv rau cov pej xeem: [0:16] Tsis pub koj raug kev ntxub ntxaug vim yog: Koj puas muaj vajtse nyob, tias koj raug kev ncaj ncees cuam tshuam (uas txhais tau hais tias muaj ntaub ntawv ua txhaum cai lossis muaj keeb kwm), koj siab li cas lossis hnyav li cas. [0:36] Raws li txoj cai tshiab, "Housing Status (Koj Puas Muaj Vajtse Nyob)" txhais tau hais tias seb koj puas muaj chaw ruaj khov, yam tsis tu ncua muaj chaw pw hmo ntuj lossis tsis muaj. [0:50] Txoj cai tsis txwv cov koom haum ntawm lawv txoj kev xav lossis txoj kev lawv nug cov lus txog koj seb koj puas muaj vajtse nyob yog tias tsoomfwv lossis lub xeev cov kev cai yuav tsum paub txog, lossis yog tias muaj kev cuam tshuam zoo tsim nyog raws txoj cai. [1:13] "Justice Impact (Kev Ncaj Ncees Cuam Tshuam)" txhais tau hais tias koj muaj ntaub ntawv ua txhaum cai lossis keeb kwm-xws li raug ntes, raug foob, raug txim, raug kaw hauv tsev lojcuj, lossis muaj neeg soj ntsuam koj. [1:31] Li tau hais, cov tswv lag luam tuaj yeem xam tau txog qee tus neeg ua muaj keeb kwm ua txhaum thiab yuav cuam tshuam tau li cas txog ntawm txoj haujlwm. [1:44] Cov tswv ntiav neeg ua haujlwm yuav tsum xam txog cov hauv qab no thaum txiav txim siab txog kev ncaj ncees-cuam tshuam rau cov tib neeg: [1:55] Seb puas muaj kev txiav txim teev tseg ua keeb kwm; Ntev npaum li cas qhov kev ua txhaum cai tau tshwm sim los yog kev txiav txim teev tseg ua keeb kwm tw tshwm sim thaum twg los lawm; Txoj kev ua txhaum cai thiab qhov xwm txheej hnyav npaum cas; Tus neeg lub hnub nyoog rau thaum tshwm si lub sijhawm ntawd; thiab, Cov ntaub ntawv pov thawj ntawm kev hloov kho. [2:26] Cov tswv lag luam tsis muaj cai tuaj yeem ntxub ntxaug raws li kev raug ntes uas tsis tau muaj kev txiav txim teev tseg ua keeb kwm, tsuas luj tau rau cov tseem yuav pib hais. Haujlwm hauv xeev thiab nrog tsoom fwv lawv muaj txoj cai tseem xam tau thiab siv tau. Cov tsev kawm ntawv yuav tsum xav txog yuav ua li cas tej keeb kwm teev tseg tias ua kev phem txhaum cai yuav cuam tshuam tau rau tus tub ntxhais kawm lub peev xwm uas tau txais haujlwm zoo ua ntaub ntawv tso cai. [3:12] "Siab" txhais tau tias koj siab npaum li cas, thiab "hnyav" txhais tau tias koj hnyav npaum li cas. [3:21] Qhov no suav nrog cov lej tiag tiag thiab cov neeg pom koj li cas - zoo li siab lossis qis taub, hnyav lossis sim. [3:35] Hais txog kev kawm, kev ua haujlwm, vaj tse, thiab kev pabcuam rau pej xeem-chaw xws li khw muag khoom thiab khw noj mov, txhua qhov kev txiav txim siab los ntawm ib tug neeg seb nws siab npaum cas lossis hnyav paum cas tej no yuav xam raws txoj haujlwm uas nws ua lossis kev pabcuam. [4:02] Qhov ntawd txhais tau tias yeej tsis muaj lwm txoj hauv kev es thiaj tsis muaj teeb meem loj, yuav hloov lub hom phiaj tseem ceeb ntawm kev pabcuam, lossis ua rau leej twg muaj kev tsis noj qab haus huv lossis tsis ntsib kev nyab xeeb yam yuav muaj kev phom sij. [4:24] Lwm qhov kev tiv thaiv tshiab suav nrog cov ntsia lus muab nthuav kom dav ntawm kev txhais haiv neeg, tsev neeg, thiab kev tsis taus...thiab muaj ntxiv ntawm kev tiv thaiv rau cov neeg ua haujlwm rau lub sijhawm lawv lub cev xeeb tub thiab tib neeg txoj kev cai ua dab qhuas. [4:49] Cov tswv ntiav neeg ua haujlwm thiab cov tsev kawm ntawv yuav tsum tshuaj xyuas cov cai tshiab kom nkag siab txog uas niam no lawv yuav tsum tau siv. [5:02] Mus saib peb lub vev xaib kom paub ntau tshaj no lossis xa ntawv rau peb qhia tias koj tsis txaus siab yog tias koj xav tias koj tau raug kev ntxub ntxaug lawm.