[0:05] ဟါလိၣ် စ့ၣ်ဖီလ်ပဒိၣ်ကၠိ ဟံၣ်ဖိဃီဖိတဖၣ်, ယမ့ၢ် Superintendent Stacie Stanley န့ၣ်လီၤ. ယသးခုဒိၣ်မးလၢယတူၢ်လိာ်မုာ်နၤဆူကၠိနံၣ်အသီတနံၣ်န့ၣ်လီၤ. [0:14] ကၠိထီၣ်အခီၣ်ထံးတနံၤန့ၣ် ထီဘိမ့ၢ် တၢ်သူၣ်ပိၢ်သးဝးအဒိၣ်ကတၢၢ်တနံၤန့ၣ်လီၤ. တၢ်သးကနိး ကအိၣ်စ့ၢ်ကီးတဆံးတက့ၢ် ဘၣ်ဆၣ်အတွးတအိၣ်ဘၣ် - ဒ်ယမ့ၢ်န ကၠိပှၤပၢဆှၢတၢ်ခိၣ်ကျၢၢ် အသီတဂၤအသိး, ယနီၢ်ကစၢ်ဒၣ်ယဲ ယကစးထီၣ်ကၠိအခီၣ်ထံးတနံၤအတၢ်လဲၤခီဖျိ ဃုာ်ဒီးနၤ ဒီးနဖိတဖၣ်လီၤ. [0:32] ပကၠိကီၢ်ရ့ၣ်အတၢ်တိာ် မ့ၢ်ဒ်သိးပကထိၣ်ဟူးထိၣ်ဂဲၤထီၣ်ကၠိဖိတဖၣ်အသးသဟီၣ်ဒ်သိးအကဆိမိၣ် ပဲၤထံနီၤဖးတၢ်လီၤတံၢ်လီၤဆဲး, ဂုာ်ကျဲးစၢးမၤလၢပှဲၤထီၣ်အဝဲသ့ၣ် တၢ်တိာ်တၢ်မုၢ်လၢ်တဖၣ်ဒီးဆီတ လဲဟီၣ်ခိၣ်ဘီမုၢ်န့ၣ်လီၤ. အဝဲသ့ၣ်အတၢ်သးစဲအိၣ်လၢ လံာ်တၢ်ဒွးမ့ၢ်ဂ့ၤ, ကျိာ်ဒွဲလၤမ့ၢ်ဂ့ၤ, စိၣ်ၡၢၣ် စတၢဒံၣ်မ့ၢ်ဂ့ၤ, လံာ်စဲအ့ၣ်မ့ၢ်ဂ့ၤ, ဒွဲလၤကူၣ်သ့မ့ၢ်ဂ့ၤ, တၢ်သံကျံမ့ၢ်ဂ့ၤ, နီၢ်ခိဟူးဂဲၤကူၣ်သ့မ့ၢ်ဂ့ၤ, ဒီး တၢ်အဂုၤဂၤမ့ၢ်ဂ့ၤန့ၣ်, ယတၢ်ပညိၣ်ဖီတၢၣ်မ့ၢ်ဝဲဒၣ် နဖိကပၣ်ဃုာ်မၤသကိးတၢ်လၢကၠိတဝၢအပူၤ လၢအကမၤဂ့ၤဒိၣ်ထီၣ်အဝဲသ့ၣ် တၢ်အဲၣ်ဖံးလိမၤဒိးတၢ်ဒီး သ့ၣ်ညါလၢအဝဲသ့ၣ်ဘၣ်ထွဲဒီးကၠိတဝၢ န့ၣ်လီၤ. [1:12] ဒ် SPPS ဟံၣ်ဖိဃီဖိတဂၤအသိး, ယအဲၣ်ဒိးစ့ၢ်ကီးလၢနကပလၢၢ်ဘၣ်တၢ်တူၢ်လိာ်မုာ် ဖဲပကၠိတဖၣ် အပူၤ ဒီးတူၢ်ဘၣ်လၢနအိၣ်ဒီးတၢ်စိကမီၤ ဒ်ပှၤမၤသကိးတၢ်တဂၤအသိး လၢနဖိတၢ်ကူၣ်ဘၣ်ကူၣ်သ့ အပူၤန့ၣ်လီၤ. စးထီၣ်လၢ မိၢ်ပၢ်တဖၣ်, ကၠိသရၣ်သရၣ်မုၣ် ဒီးဆူ ကၠိပှၤပၢဆှၢတၢ်ခိၣ်ကျၢၢ်တဖၣ်, ပဘၣ်ပာ်ဖှိၣ်မၤသကိးတၢ်တပူၤဃီ ဒီးမၤလီၤတံၢ်လၢပပှၤကၠိဖိတဖၣ်အိၣ်ဒီးတၢ်ဘံၣ်တၢ်ဘၢ, တၢ်ဆီၣ် ထွဲဒီးကတဲာ်ကတီၤသးလၢတၢ်မၤလိအပူၤန့ၣ်လီၤ. [1:40] လၢယသးဒီဖျၢၣ်ညါ, ယအဲၣ်ဒိးစံးဘျုးနၤလၢ နဃုထၢ စ့ၣ်ဖီလ်ပဒိၣ်ကၠိ န့ၣ်လီၤ. ယဆၢမုၢ်လၢ်လၢ နၤ ဒီးနပှၤဟံၣ်ဖိဃီဖိ ကအိၣ်ဒီးကၠိနံၣ်လၢအဂ့ၤကတၢၢ်တနံၣ်, ဒီးယအိၣ်ခိးကွၢ်လၢ ယကထံၣ်ဘၣ်နၤ ဖဲကၠိ လၢတယံာ်တမီၢ်အပူၤန့ၣ်လီၤ.